ФИФА дунё терма жамоаларининг янги рейтингини эълон қилди. 15 ноябрь куни Эрон терма жамоасини сафарда мағлуб этишга муваффақ бўлган Ўзбекистон  терма жамоаси ўз очколари сонини 23тага оширди ва аввалги рейтингидан 2 поғона кўтарилиб, 67-ўринга чиқиб олди.

Ўзбекистондан мағлубиятга учраган ва кейинчалик Ғарбий Осиё футбол федерацияси чемпионатида иштирок этиб, 2та дуранг ва 1та ғалабага эришган Эрон эса анча пастлади. Аввалги рейтингда 44-ўринни эгаллаб турган форслар, бугунги жадвалда -ўринга тушиб кетишган.

ЖЧ-2014 саралаш гуруҳидаги рақибимиз — Жанубий Корея ҳам ўз ўрнини 3 поғона пасайтирди — 35-ўрин. Қатар эса Ливан устидан қозонилган ғалаба эвазига 6 ўрин кўтарилишга муваффақ бўлди ва 98-поғонага жойлашди. Ливаннинг ўзи эса бирйўла 15 ўрин пастлади — 127-ўрин.

Рейтингнинг юқори учлигини ҳамон Испания,  Германия ва Аргентина терма жамоалари бошқармоқда.

Рейтинг (19 декабрь):
1 (1). Испания — 1606
2 (2). Германия — 1437
3 (3). Аргентина — 1390
4 (5). Италия — 1165
5 (8). Колумбия — 1164
6 (6). Англия — 1151
7 (4). Португалия — 1144
8 (7). Голландия — 1124
9 (9). Россия — 1070
10 (10). Хорватия — 1064
22 (24). Япония  — 840
35 (32). Жанубий Корея  — 686
36 (33). Австралия  — 668
59 (44). Эрон — 532
67 (69). Ўзбекистон — 513
98 (104). Қатар  — 365
Ливан

Рейтингнинг тўлиқ кўриниши билан ФИФА сайтида танишиб олишингиз мумкин.