Германия футбол ассоциацияси ВАР бўйича ҳакамлар қарорларининг шаффофлигини оширишни режалаштирмоқда.

Kicker нашри хабарига кўра, функционерларнинг фикрига кўра, мунозарали қарорлар телетомошабинлар учун шарҳланиши керак. Қолаверса, майдонда ва ВАРда ҳакамлар ўртасидаги мулоқотни такрорлаш имконияти яратилиши керак.

Маълум қилинишича, муайян вазиятларда якуний қарорни бутун стадионга эълон қилиш варианти ҳам кўриб чиқилмоқда.

Манбага кўра, ушбу янгилик Бундеслигада жорий мавсумда жорий этилиши режалаштирилган.

Жорий Германия чемпионатида аллақачон етти тур ўтказилди. Айни дамда турнир жадвалида “Байер” етакчилик қилмоқда.