Ҳужумчи Криштиану Роналду Евро-2024 саралаши доирасидаги Словакияга қарши ўйинда гол урди.

Учрашувнинг 29-дақиқасида Роналду пенальтидан гол урди. Бу гол билан 38 ёшли португалиялик ўттиз йилликда камида 100 та расмий гол урган тарихдаги олтинчи футболчига айланди. Ундан олдин бу ютуқни Альфредо Ди Стефано (1940-1960), Ференц Пушкаш (1940-1960), Пеле (1950-1970), Ромарио (1980-2000) ва Лионель Месси (2000-2020) қўлга киритган.

Роналду 2000 йилдан кейин 206 та, 2010 йилдан кейин 550 та ва 2020 йилдан кейин 100 та гол урган.

Роналду фаолияти давомида "Спортинг", "Манчестер Юнайтед", "Реал", "Ювентус" ва "Ан-Наср" клубларида ўйнаган.

Умуман олганда, у клубдаги фаолиятида 726 та, Португалия терма жамоасида эса 124 та гол урган.