Нидерландия - Франция учрашувида Килиан Мбаппе ҳисобни очди.
"ПСЖ" шарафини ҳимоя қилаётган форвард Евро-2024 саралаши ўйинининг 7-дақиқасида мезбонлар дарвозасини ишғол қилди. Жонатан Клосс унга голли узатмани амалга оширди.
Шу кунгача охирги марта Мбаппе 19 сентябрь куни Чемпионлар лигаси доирасида Дортмунднинг “Боруссия”сига қарши ўйинда гол урган эди. Шундан сўнг у тўртта ўйинда гол ура олмади, бу унинг 2021 йил кузидан бери энг ёмон серияси.
Умуман олганда, ҳужумчи жорий мавсумда "ПСЖ" ва Франция терма жамоаси сафида 11 ўйинда 9 та гол урди.