“Барселона” академиясининг 16 ёшли битирувчиси Ламин Ямал аллақачон “тарихдаги энг ёш” номинациясида кўплаб рекордларни ўрнатишга муваффақ бўлган бўлса, энди улар қаторига яна бири қўшилди. Barca Universal маълумотларига кўра, Ламин нуфузли Transfermarkt порталида қиймати 50 миллион еврога этган барча даврларнинг энг ёш футболчисига айланди. Яқинда ёш вундеркинднинг нархи 50 миллион еврога баҳоланди.
Испания футболининг юксалиб бораётган юлдузи 2007 йилда туғилган энг қиммат футболчилар рўйхатини катта фарқ билан бошқариб турибди: унинг энг яқин таъқибчиси Загребнинг “Динамо” клубидан Лука Вушкович сайт томонидан 6 миллион еврога баҳоланган.
