"Милан" дарвозабони Майк Меньян билан шартномани узайтирмоқчи.
Ўтган ойда хабар қилинганидек, “россонерилар” раҳбарияти франциялик футболчи билан янги шартнома бўйича музокаралар ўтказишни режалаштирган – футболчига маошини сезиларли даражада ошириш билан узоқ муддатли шартнома таклиф этилади. Football Italia хабарига кўра, томонлар ҳалигача келишувнинг баъзи нуанслари бўйича келиша олгани йўқ - масалан, миланликлар 28 ёшли дарвозабонга бошқа клублардан қизиқиш кучайиб бораётганидан хабардор бўлиб, товон пули бандидан қутулмоқчи.
Майк Меньяннинг амалдаги шартномаси 2026 йилда тугайди. Жорий мавсумда футболчи “Милан” сафида 8 та ўйинда, 7 та гол ўтказиб юборган.
