Франция терма жамоаси ярим ҳимоячиси Адриен Рабьо Европа чемпионати саралаш босқичининг 7-тури доирасидаги Нидерландия устидан қозонилган ғалабадан сўнг (2:1) бироз хафа бўлганини айтди. Унга кўра, жамоанинг мақсади гол ўтказиб юбормаслик эди.

"Натижадан мамнунмиз, лекин тўғрисини айтсам, мақсадимиз гол ўтказиб юбориш эмас эди. Шу сабабли, гол ўтказиб юборганимиздан бироз хафаман. Биз мукаммалликка интиламиз", - деди Рабьо "Рейтер" билан суҳбатда.

Дидье Дешам шогирдлари 18 очко жамғариб, Евро-2024 финал босқичига йўлланмани кафолатлади. Франция "В" гуруҳида энг яқин таъқибчисидан 6 очко олдинда пешқадамлик қилмоқда.