Бразилия терма жамоаси бош мураббийи Фернандо Диниз Каземиронинг жароҳати ҳақидаги саволга жавоб берди.
"Пентакампеонлар" Венесуэла терма жамоасини ЖЧ-2026 саралаш босқичида мағлуб эта олмади (1:1). Учрашувнинг 79-дақиқасида бразилиялик мураббий Каземирони алмаштирди, сўнг "Манчестер Юнайтед" ярим ҳимоячисининг соғлиғида муаммолар борлигини тан олди: "Каземиро болдир қисмига зарба қабул қилиб олди, шунинг учун у мендан ўзини алмаштирилишини сўради", - дея Диниз сўзларини келтиради CaughtOffside.
18 октябрь куни Бразилия терма жамоаси сафарда уругвайлик рақибларига қарши майдонга тушади. Каземиронинг бўлажак учрашувда иштирок этиши сўроқ остида қолмоқда.
