Пеп Гвардиола Жуд Беллингемни "Манчестер Сити"га ўтишга ишонтириш учун 3 соат вақт сарфлагани маълум бўлди.
Cadena SER нашри хабарига кўра, "Манчестер Сити" устози Беллингем ўз ватани Англияда ўйнай олишига ва уни ҳамма жойда қадрлаши ва ҳурмат қилишига ишонтирган. Гвардиоланинг таъкидлашича, "Манчестер Сити"нинг ғалабали цикли давом этмоқда, "Реал Мадрид" эса тугамоқда.
Шунингдек, Пеп Премьер-лига молиявий жиҳатдан Ла Лигадан яхшироқ эканлигини ва Жуд кучлироқ ҳомийларга эга бўлишини таъкидлаган. Бундан ташқари, мураббийнинг сўзларига кўра, "Реал Мадрид"да Беллингемнинг ўсиш имкониятларини тўсиб қўядиган футболчилар борлигини айтган.
Беллингем Гвардиолага қизиқиши учун миннатдорчилик билдирди, бироқ ишончсиз қолди ва “Реал”га ўтишдан бош тортмади. Футболчи ўз қарорини қабул қилганини тушунган Пеп унга омад тилади.
