2022 йилда Уэйн Руни "Дерби Каунти"ни Англиянинг учинчи дивизионига тушиб кетишдан қутқара олмади. Клуб мураббий қолади ва у билан жонланиш бошланади деб умид қилган эди. Аммо инглиз бошқа мамлакатда жамоа тўплашга қарор қилди. У АҚШга кетди ва аутсайдер жамоани қабул қилди. Орадан деярли бир ярим йил ўтди. Руни катта муваффақиятларга эриша олмади. Ва энди у қайтиб келди, тўғридан-тўғри чемпионшипга, Бирмингемга. Уч йиллик шартнома, Эшли Коул ва Жон О'Ши билан ажойиб ходимлар, раҳбариятнинг катта амбициялари ва ҳали ҳам Премьер-лигага чиқиш учун янги имконият.
Ёзда Англия лигаси Американинг Shelby Companies жамғармаси томонидан “Бирмингем”нинг назорат пакетини сотиб олишни маъқуллади. Аввалига америкалик бизнесмен Том Вагнер молиявий барқарорлик ва катта истиқболларни кафолатлаган ҳолда масалаларни кўриб чиқди.
Кейинчалик клуб ниҳоят янгиланишга қарор қилгандек бўлди. Сўнгги йилларда “Бирмингем” аутсайдерлар қаторига тусгиб қолди ва энди янги мураббий олиб келиш билан ҳаммасини яхшиламоқчи.
Тўғри, вақт оралиғи нотўғри танланган, чунки аввалги мураббий Жон Юстси мавсумни яхши бошлаган. У ишдан бўшатилганини билгач, жамоа олтинчи ўринда эди. "Бирмингем" эса сўнгги мавсумни 17-ўринда якунлади.
Sky Sports хабарига кўра, Юстси ишдан бўшатилиши футболчилар ва ходимларнинг норозилигига сабаб бўлган. Мураббий жамоада жуда машҳур эди ва улар янги хўжайинлар келиши билан унинг мақоми янада мустаҳкамланади деб умид қилишди.
Жамоа расмий веб-сайти раҳбарият "ғолибона менталитет ва амбицияга эга" мураббийни кўришни хоҳлаётгани ҳақида хабар берди. Афтидан, улар янги мураббий ҳеч қачон юқори ўринлар учун курашмаганини унутишган.
Том Вагнер “Бирмингем”нинг эгаси: “Уэйн туғма ғолибдир. Ишонамизки, мураббийлар штаби, клуб ва мухлисларимиз қўллаб-қувватлаши билан у жамоа билан олдинга катта қадам ташлайди. Унинг ўйин фалсафаси “Бирмингем”га бўлган амбицияларимизни рўёбга чиқаришга ёрдам беради. Уейн мураббийлик фаолиятини бошлаганидан бери бу имкониятга тайёргарлик кўрди”.
"Бирмингем"нинг ижрочи директори Гарри Кук Руни номзодини қўллаб-қувватлаган, деган норасмий фикр бор. У аввалроқ “Манчестер Сити”да худди шундай лавозимда ишлаган. Унинг қўл остида биринчи йирик трансферлар йўлга қўйилди, инфратузилма яратилди ва Манчини таклиф қилинди. Сўнгги йилларда Кук Саудия Арабистонида ишлаган ва янги эгалари келганидан кейин “Бирмингем”га кўчиб ўтган.
"Манчестер Юнайтед"нинг собиқ ҳужумчисининг ўзи ҳам шундай деди: "Биз барча қийинчиликларни қабул қиламиз. Мен мураббийлик карерамни бу имкониятга тайёрланиш учун ўзимни қийин вазиятларга қўйиб, қурдим. Бу ҳақиқий мақсадларга эга лойиҳа.
Менда жамоа қандай ўйнаши кераклиги ҳақида аниқ фикрлар мавжуд ва мураббийлар штаби уни амалга ошириш учун астойдил ҳаракат қиламиз".
Бу баёнотлар парадоксал кўринади, чунки “Бирмингем” чемпионшипда ўйнашга ўрганиб қолган. Жамоа 2011 йилда Премьер-лигадан тушиб кетган ва ўшандан бери лигада кўпинча 17-20-ўринларни эгаллаб келади.
Рунининг мураббийлик фаолияти қандай?
Уейн ўзининг сўнгги профессионал ўйинини 2020 йил ноябрь ойида ўтказди. Ўшанда “Дерби” Филипп Кокани истеъфога чиқарди ва Рунига вақтинчалик мураббий лавозимини таклиф қилди. Ва бир неча ой ўтгач, Уэйн жамога мураббий этиб тайинланди. Мавсумнинг иккинчи қисми ажойиб ўтди: ёш мураббий жамоасини сўнгги ўриндан кўтариб, 17-ўринни эгаллади.
Иккинчи мавсум ҳалокатли бўлди. Лекин бу Рунининг айби эмас. Турли сабабларга кўра клубдан жами 21 очко олиб ташланди. Аммо бу конфигурацияда ҳам мураббий мавсум охиригача давом этди, гарчи нажот топиш имконияти деярли йўқ эди.
Умуман олганда, “Бирмингем” қайта бошлаш учун жуда яхши вариант. Олтинчи ўрин, кучли молиялаштириш ва эҳтимол, муносиб қишги харидлар жамоани АПЛга қайтариши мумкин. Руни 21 октябрь куни "МЮ"даги узоқ йиллик ҳамкори Майкл Керрик бошчилигидаги "Мидлсбро"га қарши ўйинда майдонга тушади.
