"Реал Мадрид" келаси ёзда Эндрикнинг келишини кутмоқда.
Мадрид клуби "Палмейрас" ҳужумчисини 2022 йилнинг декабрида 35+25 миллион еврога сотиб олганди. У 2024 йилнинг ёзида "Реал"га ўтади.
AS нашрининг ёзишича, жорий мавсум камтарона ўйин кўрсатганига қарамай (у 42 ўйинда 8 та гол урган) ёш футболчи бўйича клуб режаси ўзгармаган.
Эндрик 21 июль куни 18 ёшга тўлади ва эртасига янги жамоаси билан мавсумолди тайёргарликни ўтказиш учун Испания пойтахтига боради. "Реал Мадрид" Хоселу билан шартнома имзолаганига қарамай, унга 9-рақамни захирага олиб қўйди.
Қайд этилишича, мадридликлар бразилиялик футболчининг ривожланишда давом этиши ва унинг реклама шартномалари сонини оширишидан жуда манфаатдор - клублар футболчининг имидж ҳуқуқининг 50 фоизига эгалик қилади. Форвард аллақачон OdontoCompany ва Rei Pitacoнинг юзи бўлиб, унга Nike ҳомийлик қилади.
