Дания терма жамоаси етакчиларидан бири Кристиан Эриксен 2024 йилги Европа чемпионати саралаш босқичи доирасида Қозоғистон устидан қозонилган уйдаги ғалаба (3:1) ҳақида фикр билдирди.
«Дания ғалаба қозониши керак эди ва улар буни уддалай олдилар. Биз ажойиб ўйин ўтказдик. Бу учрашув Сан-Маринога қарши баҳсга бироз ўхшарди.
Гол уришга муваффақ бўлганимизда, ўзимизга бўлган ишонч ортди ва кўпроқ майдонда бўш ҳудудларга эга бўлдик.
Биз бу эпизодлардан фойдалана олдик, аммо бошқа вақтларда тўпни тез-тез йўқотиб қўйдик», — дея Кристианнинг сўзларини келтиради УЕФА матбуот хизмати.
Етти учрашувдан сўнг Дания терма жамоаси 16 очко жамғариб, «H» гуруҳида пешқадамлик қилмоқда.
