Жазоир Фаластин терма жамоасининг уй учрашувларини қабул қилади, шунингдек, барча ўйинларни ўтказиш билан боғлиқ барча харажатларни қоплайди.

"Фаластин футбол федерацияси президенти жаноб Жибрил Ражубнинг илтимосига кўра, ФФА 2026-йилги жаҳон чемпионати ва 2027-йилги Осиё кубоги саралаш ўйинларига тайёргарлик кўриш доирасида барча расмий ва норасмий ўйинларни Жазоирда ўтказишга қарор қилди”, - дейилади Жазоир футбол федерацияси сайтида.

Биринчи учрашув 21 ноябрь куни бўлиб ўтади, унда фаластинликлар жаҳон чемпионати саралашида Австралия билан тўқнаш келишади. Тадбирни ўтказиш учун танланган шаҳар ҳали эълон қилинмаган.

Исроил-Фаластин можароси билан боғлиқ воқеалардан кейин бу ҳудудларда спорт тадбирларини ўтказиш деярли мумкин эмас. Исроилнинг учрашувлари режалаштирилган алмаштириш санасисиз қолдирилса-да, Фаластин Жазоирдан ёрдам олишга муваффақ бўлди.