Мадриднинг "Реал" клуби ярим ҳимоячиси Арда Гюлерга “Милан” қизиқиш билдирмоқда.
18 ёшли футболчининг "Қироллик клуби"га мослашиши жароҳатлар туфайли мураккаблашди. Жароҳат туфайли туркиялик футболчи ҳалигача Карло Анчелотти жамоасида бирорта ҳам расмий ўйин ўтказмаган.
Журналист Экрем Конурнинг хабарига кўра, "Милан" январь ойида ўсиб бораётган юлдузни сотиб олиш опцияси билан ижарага олишни режалаштирмоқда. Футболчининг ўзи мавсум давомида "Реал"ни тарк этишни истамаяпти.
Эслатиб ўтамиз, Арда Гюлер ўтган ёзда мадридликларга "Фенербахче"дан 20 миллион евро эвазига сотиб олинганди. Transfermarkt портали ҳужумкор ярим ҳимоячининг ҳозирги нархини 15 миллион еврога баҳоламоқда.
