"Астон Вилла" ҳужумчиси Олли Уоткинсга Лондоннинг "Арсенал" клуби қизиқиш билдирмоқда.
Баъзи маълумотларга кўра, "канонирлар" янги ҳужумчи қидирмоқда - аввалроқ "Брентфорд"дан Айвон Тоуни асосий мақсад сифатида кўрсатилган эди. Fichajes'нинг сўзларига кўра, "Арсенал" яқинда "Астон Вилла" билан шартномасини 2028 йилгача узайтирган Уоткинснинг қишки трансферини ҳам кўриб чиқмоқда.
Transfermarkt портали экспертлари 27 ёшли англиялик футболчининг нархини 55 миллион еврога баҳоламоқда. Жорий мавсумда Олли Уоткинс “Астон Вилла”нинг барча турнирлар доирасидаги 13 та учрашувида қатнашиб, 7 та гол ва 4 та голли узатмани амалга оширди.
