Мадриднинг “Реал” клуби вингери Браим Диас Испаниянинг бошқа жамоасига ўтиши мумкин. Todofichajes журналистларининг хабар беришича, 24 ёшли футболчининг хизматларига "Севилья" қизиқмоқда.
Андалусия клуби футболчини сотиб олиш имконияти билан ижарага олмоқчи. Келишув қишки трансфер ойнасида якунланиши мумкин. Браимнинг трансфер нархи 20 миллион еврога баҳоланмоқда ва унинг "Лос Бланкос" билан шартномаси 2027 йилнинг июнь ойи охиригача амал қилади.
Жорий Ла Лигада Диас еттита ўйин ўтказиб, битта гол урган. Ўтган мавсумда ярим ҳимоячи "Милан"да ижара асосида ўйнади.