Алексия Путельяс "Барселона" аёллари тарихидаги энг яхши тўпурарга айланди.

Путельяс "Атлетико Мадрид"га қарши ўйиндаги ягона голни урди ва бу гол эвазига "Барселона" аёллари кетма-кет бешинчи чемпионат ғалабасини қўлга киритишди.

Путельяс учун бу гол "Барселона" аёллар жамоаси таркибидаги 182-гол бўлди. Футболчи Женнифер Эрмосони ортда қолдириб, жамоа тарихидаги энг яхши тўпурарга айланди.

"Барселона" Путельясни ушбу муваффақияти билан табриклади ва Лионель Месси билан бирга суратини "Твиттер"даги ижтимоий тармоғига жойлади. Месси 672 та гол билан "Барселона" тарихидаги энг яхши тўпурар ҳисобланади.