Брюссел 16 октябрь оқшомида икки швед мухлисининг ўлдирилиши ортидан террорчилик таҳдидининг энг юқори даражасида қолмоқда, деб хабар бермоқда HLN.
Бельгия полицияси жиноятда гумонланувчи ҳақида маълумот олди - бу мамлакатда ноқонуний яшовчи тунислик, радикаллашуви билан танилган 45 ёшли Абдусалом Лассуэ. Полиция унинг Брюссел коммуналаридан бири бўлган Схарбекдаги уйида тинтув ўтказди. Гумонланувчи топилмади, қидирув давом этмоқда.
Швециялик мухлисларга қилинган ҳужумда жароҳатланган такси ҳайдовчисига тиббий ёрдам кўрсатилди. Унинг ҳаёти хавф остида эмас.
Мактаблар ёпилмайди. Бельгия бош вазири Александр Де Крунинг сўзларига кўра, террорчилик таҳдидини таҳлил қилувчи орган томонидан ўтказилган таҳлиллар болалар ва мактаблар учун ўзига хос хавф йўқлигини кўрсатди.
Полиция Швеция фуқароларини махсус кузатув билан таъминлади. Шведлар Брюсселга миллий терма жамоанинг Бельгияга қарши Евро-2024 саралаш ўйини учун етиб келишди. Теракт ҳақида жамоалар хабар топиши билан ўйин танаффусда тўхтатилди. Якунда УЕФА ўйинни бекор қилди.
