Тожикистон терма жамоаси ва «Истиқлол» клуби дарвозабони Рустам Ятимов Россия терма жамоаси ОФКда қандай ўйин кўрсатиши мумкинлиги ҳақида ўз фикрлари билан ўртоқлашди.
«Россия жамоаси ОФКда бош ролларда бўлган бўлар эди. Шубҳасиз, кучли 5 та жамоа ичига киради.
Уйдан узоқда қийинчиликлар бўлади, лекин ўз майдонида Россия терма жамоаси кўп ҳаракат қилмасдан ҳаммани юта олиши мумкин», - дея Ятимовнинг сўзларини келтирмоқда Чемпионат.
Эслатиб ўтамиз, Россия терма жамоаси ФИФА ва УЕФАнинг қўшма қарори билан халқаро турнирлардаги иштирокидан четлаштирилди.
16-октябрь, душанба куни Валерий Карпин шогирдлари Кения терма жамоасига қарши ўртоқлик учрашуви ўтказди. Баҳс 2:2 ҳисобида дуранг билан якунланди.
