Европа гигантлари бўлажак трансфер ойнасида қатор харидларни амалга оширишни режалаштирмоқда. Sky нашри хабарига кўра, "Манчестер Юнайтед" келаси ёзда "Бенфика"дан ярим ҳимоячи Жоау Невешни сотиб олиши мумкин.
Қайд этилишича, 19 ёшли Невеш узоқ вақт давомида "қизил иблислар"нинг нишонида бўлган. Transfermarkt портали футболчини 20 миллион еврога баҳоламоқда.
Айтиш жоизки, душанба куни Жоау Невеш Португалия терма жамоаси сафида дебют қилди. Ёш ярим ҳимоячи Евро-2024 саралашида Босния ва Герцеговинага қарши ўйинда (Португалия 5:0 ҳисобида ғалаба қозонган) беш дақиқа ҳаракат қилди.
