Ўзбекистон кубоги ярим финалидан ўрин олган баҳсда “Навбаҳор” сафарда ОКМК (Олмалиқ) жамоаси меҳмони бўлади.

Мазкур клубларнинг Ўзбекистон кубоги тарихидаги натижаларига назар соладиган бўлсак, “Навбаҳор” биллур совринни 3 марта – 1992, 1995 ва 1998 йилларда “Темирйўлчи” (0:0, пенальтилар бўйича 5:4), МҲСК (1:0) ҳамда “Нефтчи” (2:0) жамоалари устидан қозонилган ғалабалар ҳисобига қўлга киритган ва 1993 ҳамда 2022 йилларда финал иштирокчисига айланиб, ҳал қилувчи баҳсларда “Пахтакор” (0:3) ва “Насаф” (1:2, қўшимча вақтда) клубларига имкониятни бой берган.

ОКМК эса Ўзбекистон кубогини 1 марта 2018 йили “Пахтакор” (3:1)ни мағлубиятга учратиб, қўлга киритган ҳамда 2019 ва 2020 йилларда финал иштирокчисига айланиб, ҳар икки ҳал қилувчи баҳсда ҳам “шерлар”га 0:3 ҳисобида имкониятни бой берган.

Таъкидлаш жоизки, “Навбаҳор” ҳамда ОКМК жамоалари Ўзбекистон кубоги доирасидаги баҳсларда ўзаро рўбарў келишмаган.

Эслатиб ўтамиз, ОКМК – “Навбаҳор” учрашуви 19 октябрь куни Олмалиқдаги ОКМК СМда соат 18:00 да старт олади.

“Навбаҳор” ПФК матбуот хизмати.