O‘zbekiston kubogi yarim finalidan o‘rin olgan bahsda “Navbahor” safarda OKMK (Olmaliq) jamoasi mehmoni bo‘ladi.

Mazkur klublarning O‘zbekiston kubogi tarixidagi natijalariga nazar soladigan bo‘lsak, “Navbahor” billur sovrinni 3 marta – 1992, 1995 va 1998 yillarda “Temiryo‘lchi” (0:0, penaltilar bo‘yicha 5:4), MHSK (1:0) hamda “Neftchi” (2:0) jamoalari ustidan qozonilgan g‘alabalar hisobiga qo‘lga kiritgan va 1993 hamda 2022 yillarda final ishtirokchisiga aylanib, hal qiluvchi bahslarda “Paxtakor” (0:3) va “Nasaf” (1:2, qo‘shimcha vaqtda) klublariga imkoniyatni boy bergan.

OKMK esa O‘zbekiston kubogini 1 marta 2018 yili “Paxtakor” (3:1)ni mag‘lubiyatga uchratib, qo‘lga kiritgan hamda 2019 va 2020 yillarda final ishtirokchisiga aylanib, har ikki hal qiluvchi bahsda ham “sherlar”ga 0:3 hisobida imkoniyatni boy bergan.

Ta’kidlash joizki, “Navbahor” hamda OKMK jamoalari O‘zbekiston kubogi doirasidagi bahslarda o‘zaro ro‘baro‘ kelishmagan.

Eslatib o‘tamiz, OKMK – “Navbahor” uchrashuvi 19 oktyabr kuni Olmaliqdagi OKMK SMda soat 18:00 da start oladi.

“Navbahor” PFK matbuot xizmati.