Лондоннинг "Кристал Пэлас" клуби "бургутлар"нинг 24 ёшли чап қанот ҳимоячиси Тайрик Митчелл билан янги шартнома имзолаш учун бор кучини сарфлайди. Бу ҳақда Football Insider хабар бермоқда.
Эслатиб ўтамиз, амалдаги шартномаси Митчеллни "Кристал Пэлас" билан 2025 йилнинг ёзига қадар боғлайди. АПЛ етакчи клублари эса ёш футболчини кузатишмоқда. Шу сабабли, "бургутлар" бошқарувчиси Рой Хожсон маошини сезиларли даражада оширган ҳолда футболчи билан янги шартнома тузишга яшил чироқ ёқди.
Жорий мавсумда Митчелл лондонликлар сафида барча турнирларда 10 та ўйинда майдонга тушди ва голли узатмани амалга оширди. Transfermarkt футболчини 22 миллион еврога баҳоламоқда.
