Англия футбол ассоцияцияси "Ньюкасл" бош мураббийи Эдди Хауни мамлакат терма жамоасининг амалдаги бош мураббийи Гарет Саутгейтнинг ўрнига номзод сифатида жиддий кўриб чиқмоқда. Бу ҳақда 90min наўшри хабар бермоқда ва Саутгейтнинг "Уч шерлар" бошқарувчиси сифатидаги келажаги ҳали ҳам ноаниқ. Чунки, мураббий ўзининг келажаги борасида ҳали бир қарорга келмаган.
Эслатиб ўтамиз, Хау қўл остида "Ньюкасл" сўнгги 20 йил ичида илк бор УЕФА Чемпионлар лигасига йўлланма олди ва ҳозирда “ўлим гуруҳи” – “F” гуруҳида анча яхши ўйин кўрсатмоқда. Мутахассиснинг “Ньюкасл” билан шартномаси 2024 йилнинг ёзига қадар амал қилади.
Саутгейт қўл остидаги Англия термаси бешта ўйиндан буён бирорта ҳам мағлубият аламини тотиб кўрмай, саралаш босқичида "C" гуруҳида пешқадамлик қилмоқда. Бугун “Уч шерлар”ни “Уэмбли”да Италия жамоаси билан қийин учрашув кутиб турибди.
