"Астон Вилла" клуби ва Италия терма жамоаси ярим ҳимоячиси Николо Дзаньоло Бирмингем клуби раҳбарияти билан учрашиб, футболчининг ноқонуний платформаларда пул тикишда айбланаётгани билан боғлиқ шов-шувли вазиятни муҳокама қилади, деб хабар бермоқда La Gazzetta dello Sport нашри.
Манбага кўра, "Астон Вилла" Дзаньолонинг айбсизлигига ишонади, бироқ унинг бу ҳолат бўйича позициясини тингламоқчи.
Эслатиб ўтамиз, аввалроқ ОАВда Дзаньоло ноқонуний пул тикишда иштирок этгани ҳақида хабар берилганди. Бу ҳақда журналист Фабрицио Корона хабар берди, унинг сўзларига кўра, футболчи ҳақиқатда гаровлар бўйича ўйнаганини тасдиқловчи маълумотларга эга. Журналист аллақачон ҳуқуқ-тартибот идоралари билан ҳамкорликни бошлаган.
