Бахтиёр Зайнутдинов Қозоғистон терма жамоаси тарихидаги энг яхши тўпурарга айланди.
"Бешиктош" шарафини ҳимоя қилаётган ярим ҳимоячи Евро-2024 саралашида Финляндия билан ўйинда (2:1) дубль қайд этди. У 77 ва 89-дақиқаларда гол урди ва жамоасининг камбэк қилишига ёрдам берди.
ЦСКАнинг собиқ футболчиси Руслан Балтиевдан ўзиб кетди ва Қозоғистон терма жамоасининг голлари сони бўйича пешқадамга айланди. Зайнутдинов ҳисобида 14 та гол бор.
"Н" гуруҳида Қозоғистон Финляндиядан 3 очкога олдинда - 15 ва 12. Словения ва Дания биттадан кам ўйин ўтказиб, 16 очко жамғарган.