2024 йилги Европа чемпионатининг финал босқичи келаси ёзда Германияда бўлиб ўтади.
Goal ўз саҳифаларида терма жамоаларнинг бўлажак йирик турнири фаворитлари жадвалини эълон қилди.
Порталнинг қайд этишича, Франция терма жамоаси ғалаба қозониш учун энг юқори имкониятга эга. Бу жамоада ҳеч қандай камчиликлари йўқ ажойиб таркиб бор.
Рейтингда Англия терма жамоаси иккинчи ўринни эгаллаган бўлса, Португалия терма жамоаси кучли учликни эгаллади.
Рейтингдан кейинги ўринларда Испания, Бельгия, Австрия, Германия, Шотландия, Туркия ва Венгрия терма жамоалари жойлашган.
Эслатиб ўтамиз, 2024 йилги Европа чемпионати 14 июндан 14 июлга қадар бўлиб ўтади.
