Самуэль Чуквуезе жароҳати сабаб «Милан»нинг бўлажак ўйинларини ўтказиб юборади.
Яқинда ўтказилган экспертиза нигериялик жиддий зарар кўрганини аниқлади - у бир ой давомида майдонга туша олмайди, деб хабар беради Sky Sports.
Шу боис 24 ёшли футболчи А Сериянинг «Ювентус» билан бўладиган учрашувини, шунингдек, Чемпионлар лигаси гуруҳ босқичида «ПСЖ»га қарши ҳар иккала ўйинни ҳам ўтказиб юборади.
Самуэль Чуквуезе шу йилнинг июль ойида Испаниянинг «Вильярреал» клубидан «Милан»га кўчиб ўтганди. Ушбу трансфер «россонерилар»га 20 миллион еврога тушди.
