"Манчестер Сити"нинг чап қанот ҳимоячиси Серхио Гомес "Милан"нинг радарида.
Испаниялик футболчи Пеп Гвардиола жамоасида кам ўйин тажрибасига эга, бундан "россонерилар" фойдаланиши мумкин, улар 23 ёшли латерални ҳимоянинг чап томонини кучайтириш учун идеал номзод деб билишади, деб хабар беради Calciomercato. Потенциал трансфер суммаси 18-20 миллион еврога баҳоланмоқда.
Серхио Гомес ўтган ёзда "Андерлехт"дан 15 миллион евро эвазига "Манчестер Сити"га ўтган эди.