Лондоннинг "Кристал Пэлас" клуби раҳбарияти ҳимоячи Марк Гехининг "Манчестер Юнайтед"га кетиши мумкинлиги ҳақидаги миш-мишлардан ҳаяжонда.
Football Insider нашри хабарига кўра, "бургутлар" бу хабар туфайли англиялик футболчига яхшиланган шартлар остида янги шартнома таклиф қилмоқчи.
Эслатиб ўтамиз, 23 ёшли футболчи 2021 йилнинг ёзидан буён ўз жамоасида ўйнаб келмоқда. У жорий мавсумда “бургутлар” сафида барча мусобақаларда тўққизта ўйинда майдонга тушди. У Англия терма жамоасининг ҳам футболчиси.
Амалдаги шартнома Гехи билан 2026 йилнинг июнигача мўлжалланган. Transfermarkt портали футболчини 35 миллион еврога баҳоламоқда.
