Франциянинг "Ницца" клуби бош мураббийи Франческо Фариоли Роберто де Дзерби штабига қандай тушиб қолгани ҳақида гапириб берди.
"Мен бир марта Wyscout сайтида "Фодже" ҳақида мақола ёзганман. Орадан кўп ўтмай де Дзербининг техник жамоаси аъзосидан таклифнома олдим", - деди Фариоли L’Equipe билан суҳбатда.
Фариоли 2017 йилдан 2020 йилгача "Брайтон"нинг амалдаги бош мураббийи Де Дзерби билан “Беневенто” ва “Сассуоло” клубида бирга ишлаган. "Фотиҳ Карагумрук" ва "Аланьяспор" клубларида ишлагандан сўнг, 34 ёшли италиялик "Ницца"ни бошқаришни бошлаган. Франческо Фариоли қўл остида "Ницца" 8 турдан кейин Лига 1 турнир жадвалида иккинчи ўринда бормоқда.