"Рома" бош мураббийи Жозе Моуриньо "Реал"да бош мураббий бўлишга даъвогарлар рўйхатидан жой олди, деб хабар беради Mundo Deportivo.
Манбага кўра, "Лос-Бланкос" раҳбарияти португалияликни клубнинг амалдаги бош мураббийи Карло Анчелотти билан шартномаси тугайдиган 2024 йилнинг ёзида таклиф қилиш вариантини кўриб чиқмоқда.
Моуриньо 2010-2013 йилларда "Реал"ни бошқарган. 60 ёшли мутахассис клубни Испания чемпионатидаги ғалаба, Испания кубоги ва Суперкубогидаги ғалабага олиб келди.
17 октябрь куни Sky Sports Italia нашри Моуриньо жорий мавсум якунланганидан сўнг “Рома”ни тарк этиши ҳақида хабар берди. 8 та ўйиндан сўнг “Рома” 11 очко билан Италия чемпионати турнир жадвалида 10-ўринда бормоқда.
