Журналист Фабрицио Коронанинг айтишича, "Интер" сафида ноанъанавий йўналишдаги футболчи ўйнайди.
"Ижтимоий тармоқларимда аллақачон "Интер"да гей футболчи борлигини ёзгандим. Бу ҳақда бошқа ҳеч нарса дея олмайман, чунки муаммога дуч келишим мумкин. Менимча, бундай ўйинчилар дунёнинг барча футбол клубларида бор, лекин буни ҳеч ким тан олмайди", - деди журналист Tendenze Di Viaggio билан суҳбатда.
Италия чемпионатининг жорий мавсумида "Интер" 19 очко жамғариб, турнир жадвалида иккинчи ўринни эгаллаб турибди. А Сериянинг навбатдаги учрашувида “нерадзуррилар” “Торино” билан учрашади. Ўйин 21 октябрь куни Тошкент вақти билан соат 21:00да бошланади.
