"Бавария" бош мураббийи Томас Тухель дарвозабон Мануэль Нойернинг сафга қайтишига қанчалик яқин эканлигини айтди.
“Нойер катта ҳурматга лойиқ. Унинг машғулотлардаги сифати яққол кўриниб турибди. Ҳаммамиз бироз кутишимиз керак, чунки Мануэль 10 ойни ўтказиб юборди. Энди у марказий ҳимоячилар билан машғулот ўтказгани маъқул. Мақсад "Дармштадт"га қарши ўйинга қайтиш”, - деди Тухель матбуот анжуманида.
Эслатиб ўтамиз, “Бавария” 28 октябрь куни “Дармштадт”га қарши баҳс олиб боради. Тухелнинг фикрича, бу ўйин учун Нойер асосий таркибга қайтиши керак.