Роберто Мартинес Криштиану Роналду ўзининг хатти-ҳаракати билан уни ҳайратда қолдирганини тан олди.
Мартинес бош мураббий этиб тайинлангач, Португалия терма жамоаси 8 учрашувнинг барчасида умумий 32:2 ҳисобида зафар қучган. Роналду бу учрашувларда 9 та гол урди.
“Мен ҳеч қачон ўйинчи ортида турган одамни билмай туриб, танлашни ёки кимгадир қўнғироқ қилишни ёқтирмасдим. Шу боис 2022 йилги жаҳон чемпионатида иштирок этадиган барча футболчилар билан танишишга қарор қилдим.
Криштиану билан учрашганимда терма жамоа учун борини беришга тайёр футболчини кўрдим. Мен унинг терма жамоага қанчалик содиқлигини кўрдим. У қайсидир маънода жамоага хизмат қилишни хоҳларди.
Унинг камтарлиги ва жамоага хизмат қилиш истаги мени ҳайратда қолдирди. Ва бу бошланғич нуқта эди ", деди Мартинес.
