Roberto Martines Krishtianu Ronaldu o‘zining xatti-harakati bilan uni hayratda qoldirganini tan oldi.
Martines bosh murabbiy etib tayinlangach, Portugaliya terma jamoasi 8 uchrashuvning barchasida umumiy 32:2 hisobida zafar quchgan. Ronaldu bu uchrashuvlarda 9 ta gol urdi.
“Men hech qachon o‘yinchi ortida turgan odamni bilmay turib, tanlashni yoki kimgadir qo‘ng‘iroq qilishni yoqtirmasdim. Shu bois 2022 yilgi jahon chempionatida ishtirok etadigan barcha futbolchilar bilan tanishishga qaror qildim.
Krishtianu bilan uchrashganimda terma jamoa uchun borini berishga tayyor futbolchini ko‘rdim. Men uning terma jamoaga qanchalik sodiqligini ko‘rdim. U qaysidir ma’noda jamoaga xizmat qilishni xohlardi.
Uning kamtarligi va jamoaga xizmat qilish istagi meni hayratda qoldirdi. Va bu boshlang‘ich nuqta edi ", dedi Martines.