Суперлиганинг 22-туридан ўрин олган “Металлург” – “Бухоро” (0:0) учрашувидан сўнг меҳмонлар бош мураббийи Улуғбек Бақоев ўз фикрларини билдириб ўтди.

"Жамоамизнинг турнир жадвалида эгаллаб турган ўрнидан келиб чиққан ҳолда бугунги учрашувга ижобий натижани кўзлаган ҳолда келган эдик. Дастлабки дақиқаларда яхши имкониятларимиз бўлди. Айниқса, рақиб бир киши кам бўлиб қолганидан сўнг ташаббусни қўлга олдик. Четлатиш бизга панд берди. Натижада, ўйин тизгини “Металлург”га бериб қўйдик.

Иккинчи таймда эса устунлик тўлиқ бекободликларда бўлди. Дуранг натижа бизни тўла қаноатлантиради деб айта олмайман. Аммо, очко керак пайтда сафарда эришилган дуранг бизга жуда ҳам зарур эди. Имкониятлар этарди. Ўз мавқеимизни яхшилашга интиламиз”, – деди Бақоев.