"Бавария" бош мураббийи Томас Тухель Жером Боатенг ҳақидаги саволга жавоб берди.
Мюнхенликлар 35 ёшли футболчини ортга қайтариш ғоясини ўрганиб чиқишди, аммо у билан шартнома имзоламасликка қарор қилишди, бу тахминан икки ҳафта олдин содир бўлганди. Шунга қарамай, эркин агент бўлган ҳимоячи "Бавария" ихтиёрида қолмоқда - у янги клуб излаш билан бирга ўз формасини сақлаб турибди.
"Жером захира таркиб билан машғулот ўтказиш таклифимизни қабул қилди. Захирадагилар асосий таркиб билан бирга машғулот ўтказгани учун машғулотларимизда қатнашди. Боатенгнинг хулқ-атворини намунали деб аташ мумкин, унинг спорт савияси ҳам жуда юқори", - деди Тухель Bayern & Germany билан суҳбатда.
