"Шальке"нинг 17 ёшли ярим ҳимоячиси Ассан Уэдраого Европанинг энг кучли клублари эътиборини тортишда давом этмоқда.
Bild хабарига кўра, гельзеркинхенликларнинг иқтидорли футболчиси жорий мавсум якунида ҳозирги жамоасини тарк этмоқчи. "РБ Лейпциг" Уэдраогога яққол фаворит бўлиб турибди. "Буқалар" раҳбарияти футболчи билан оғзаки келишувга эришиш учун яқин ойларда саъй-ҳаракатларни кучайтирмоқчи.
Эслатиб ўтамиз, Ассанга "Ливерпуль" ва "Бавария" ҳам қизиқиш билдирмоқда. Transfermarkt портали иккинчи Бундеслигада тўққизта ўйин ўтказиб, битта гол урган футболчининг қийматини олти миллион еврога баҳолаган.