"Shalke"ning 17 yoshli yarim himoyachisi Assan Uedraogo Yevropaning eng kuchli klublari e’tiborini tortishda davom etmoqda.
Bild xabariga ko‘ra, gelzerkinxenliklarning iqtidorli futbolchisi joriy mavsum yakunida hozirgi jamoasini tark etmoqchi. "RB Leypsig" Uedraogoga yaqqol favorit bo‘lib turibdi. "Buqalar" rahbariyati futbolchi bilan og‘zaki kelishuvga erishish uchun yaqin oylarda sa’y-harakatlarni kuchaytirmoqchi.
Eslatib o‘tamiz, Assanga "Liverpul" va "Bavariya" ham qiziqish bildirmoqda. Transfermarkt portali ikkinchi Bundesligada to‘qqizta o‘yin o‘tkazib, bitta gol urgan futbolchining qiymatini olti million yevroga baholagan.