Машҳур мураббий Фабио Капелло Италия терма жамоаси ҳақида бир неча сўз айтди. Эслатиб ўтамиз, октабр ойида "адзурра" Мальтани мағлуб этган (4:0), Англияга (1:3) имкониятни бой берганди. Италияликлар айни дамда саралаш гуруҳида Украинадан 3 очко ортда қолиб, учинчи ўринни эгаллаб турибди. Шу билан бирга, Италия терма жамоаси битта кам ўйин ўтказди.
“Италия жамоаси Еврога йўл олишига ишонаман, чунки мен ажойиб жамоани кўрдим. Агар бирор нарса айтишим керак бўлса, менимча, Спаллетти ҳимояда бироз ишлаши керак, чунки у ерда нимадир етишмаяпти. Лекин менга Италия терма жамоаси ёқди", деди Капелло.
