Ҳуқуқлари «Аталанта»га тегишли бўлган италиялик ҳимоячи Жоржио Скальвини Европанинг бир қанча клублари қизиқиш доирасига тушган. Бу ҳақда Calciomercato журналистлари хабар бермоқда.
Манба берган хабарга кўра, 19 ёшли футболчининг хизматларига «Бавария», «Манчестер Сити» ва Туриннинг «Ювентус» клублари қизиқиш билдирмоқда.
Иқтидорли футболчининг трансфер қиймати 40 миллион еврога баҳоланмоқда. Скальвинининг бергамоликлар билан шартномаси 2027 йилнинг ёзига қадар тузилган.