Huquqlari «Atalanta»ga tegishli bo‘lgan italiyalik himoyachi Jorjio Skalvini Yevropaning bir qancha klublari qiziqish doirasiga tushgan. Bu haqda Calciomercato jurnalistlari xabar bermoqda.
Manba bergan xabarga ko‘ra, 19 yoshli futbolchining xizmatlariga «Bavariya», «Manchester Siti» va Turinning «Yuventus» klublari qiziqish bildirmoqda.
Iqtidorli futbolchining transfer qiymati 40 million yevroga baholanmoqda. Skalvinining bergamoliklar bilan shartnomasi 2027 yilning yoziga qadar tuzilgan.