Мадриднинг “Реал” клуби бош мураббийи Карло Анчелотти Ла Лиганинг 10-тури доирасида “Севилья”га қарши сафардаги (1:1) дурангдан сўнг фикрлари билан ўртоқлашди.
“Жуда қизиқарли ва шиддатли ўйин. Биринчи бўлим биз учун иккинчисига қараганда яхшироқ ўтди. Ўйинни яхши бошладик, аммо имкониятлардан фойдалана олмадик. Иккинчи бўлимда қийинроқ бўлди ва "Севилья" кучлироқ кўринди. Якуний натижа адолатли.
Винисиус ва Родриго ҳужумда яхши ўйнашди ва танаффусгача гол уришга яқин туришди. Иккинчи бўлимда бизга куч етишмади. Мен футболчилардан мамнунман, улар охиригача курашишди", - дея Анчелотти сўзларини келтиради "Реал" расмий сайти.
