Madridning “Real” klubi bosh murabbiyi Karlo Anchelotti La Liganing 10-turi doirasida “Sevilya”ga qarshi safardagi (1:1) durangdan so‘ng fikrlari bilan o‘rtoqlashdi.
“Juda qiziqarli va shiddatli o‘yin. Birinchi bo‘lim biz uchun ikkinchisiga qaraganda yaxshiroq o‘tdi. O‘yinni yaxshi boshladik, ammo imkoniyatlardan foydalana olmadik. Ikkinchi bo‘limda qiyinroq bo‘ldi va "Sevilya" kuchliroq ko‘rindi. Yakuniy natija adolatli.
Vinisius va Rodrigo hujumda yaxshi o‘ynashdi va tanaffusgacha gol urishga yaqin turishdi. Ikkinchi bo‘limda bizga kuch yetishmadi. Men futbolchilardan mamnunman, ular oxirigacha kurashishdi", - deya Anchelotti so‘zlarini keltiradi "Real" rasmiy sayti.
