"Атлетико" ҳужумчиси Антуан Гризманн йилни жуда сермаҳсул ўтказмоқда.
Франциялик футболчининг хет-триги Диего Симеоне жамоасига Ла Лиганинг шанба куни бўлиб ўтган “Сельта”га қарши ўйинда (3:0) ғалаба келтирди. Учта гол эвазига Гризманн жорий тақвим йилида Испания чемпионати тўпурарлари рейтингида биринчи ўринни эгаллаб турибди – “матрасчилар” ҳужуми етакчиси бунгача 17 бор рақиблар дарвозасини ишғол қилган. 32 ёшли форвард 15 та голи бор “Барселона” ҳужумчиси Роберт Левандовскини ортда қолдирди. Хоселу 13 та билан рўйхатда учинчи ўринни эгаллаб турибди.
Умуман олганда, Антуан Гризманн ушбу мавсумда "Атлетико" сафида барча турнирларда 11 та ўйинда 8 та гол урди.
