"Atletiko" hujumchisi Antuan Grizmann yilni juda sermahsul o‘tkazmoqda.
Fransiyalik futbolchining xet-trigi Diyego Simeone jamoasiga La Liganing shanba kuni bo‘lib o‘tgan “Selta”ga qarshi o‘yinda (3:0) g‘alaba keltirdi. Uchta gol evaziga Grizmann joriy taqvim yilida Ispaniya chempionati to‘purarlari reytingida birinchi o‘rinni egallab turibdi – “matraschilar” hujumi yetakchisi bungacha 17 bor raqiblar darvozasini ishg‘ol qilgan. 32 yoshli forvard 15 ta goli bor “Barselona” hujumchisi Robert Levandovskini ortda qoldirdi. Xoselu 13 ta bilan ro‘yxatda uchinchi o‘rinni egallab turibdi.
Umuman olganda, Antuan Grizmann ushbu mavsumda "Atletiko" safida barcha turnirlarda 11 ta o‘yinda 8 ta gol urdi.