"Манчестер Юнайтед" бош мураббийи Эрик тен Хаг марказий ҳимоячи Харри Магуайрни "Шеффилд Юнайтед"га қарши ўйин учун баҳолади. Англиялик футболчи асосий таркибда майдонга тушди ва жамоасига меҳмонда 2:1 ҳисобида минимал ғалаба қозонишга ёрдам берди.
"Магуайр мен ундан кўрмоқчи бўлган нарсани берди. У рақибларидан устунлик қилади. Мен унинг ўйинларидан жуда хурсандман. У ўйиннинг энг яхши футболчиси совринига лойиқ эди", — деди тен Хаг матбуот анжуманида.
Эслатиб ўтамиз, Магуайр ёзда “Манчестер Юнайтед”ни тарк этишдан бош тортди, чунки у асосий таркибдаги ўрин учун курашмоқчи эди.
