"Барселона" бош мураббийи Хави Ла Лиганинг 10-тури доирасидаги "Атлетик" устидан қозонилган ғалаба (1:0) ҳақида фикр билдирди.
"Қийин ғалабани қўлга киритдик. Биз бу қийин рақиб эканлигини, “Атлетик” жасур жамоа эканлигини билардик. Аммо ўйин натижасини маҳаллий йигит Марк Гию ҳал қилди. Мен у учун хурсандман ва жуда муҳим учта очкони қўлга киритганимиздан хурсандман.
Биз юқори прессинг ҳақида билардик ва юқори чизиқни кутгандик. Шу тарзда улар кўплаб дуэлларда ғалаба қозонадилар. Уларнинг ўйинчилари ажойиб иш қилишди, лекин кимдир ғалаба қозонишга лойиқ бўлса, бу биз эдик" - деди Хави.
