Кеча “Насаф” футбол мактабининг иқтидорли ёш футболчиларига тантанали равишда дипломлар топширилди.

 Маросимда футбол мактабининг мураббий-ўқитувчилари, ёш футболчилар жамоатчлаик вакиллари иштирок этишди. Унда Қашқадарё вилоят футбол федерациясининг вице-президенти Худойқул Тудибоев, “Насаф” футбол клуби бош менежри Шамил Ярулин, жамоа бош мураббийи Рўзиқул Бердиев, клуб спорт директори Виталий Ни сўзга чиқишиб, футбол мактаби тарбияланувчиларига келгусидаги фаолиятларида улкан муваффақиятлар тилашди. Сўнгра жорий йилда Қашқадарё кубогида ғолиб чиққан 1996 йилда туғилган футбол мактаби тарбияланувчиларига махсус совға ва диплом топширилди.

— Ҳаш-паш дегунча уч йил ҳам ўтиб кетибди, — дейди мактабнинг иқтидорли тарбияланувчиларидан бири Дадажон Маматқулов. – Билишимча, бизнинг мактабимиздаги шароитлар юртимиздаги энг яхшиларидан биридир. Бу ерда биз футбол сир асрорларини пухта эгаллашга ҳаракат қилдик. Бунинг учун директоримиз ва “Насаф” ПФК раҳбариятига миннатдорчилик билдирамиз.Энди  катта футболга кадам ташлаймиз. Мураббийларимиз Евгений Смирнов, Валентин Поддубний, Дадажон Тогаев ва бошкаларга катта рахмат. Келажакда улар юзларини ерга каратмаймиз, насиб булса. Рўзиқул ака Бердиев айтганларидек, футболчи булиш кийин, у  катта меҳнатни талаб этади. Бу орзуимизга етишиш йулида тинимсиз ҳаракат килаверамиз.

Ҳа, ёш футболчилармизининг ниятлари улкан. Биз ҳам футбол мактабини тамомлаб, эндиликда катта футболга қадам ранжида қиладиган ёш чарм тўп ўсталарига келгусидаги фаолиятида ҳам улкан ютуқларни қўлга киртишини, юртимиз довруғини дунёга таратишини тилаб қоламиз.